LIAN TIMOR (DILI) - Ohin tinan 30 resin liu ba, Amo Papa Joao Paulo II halo misa iha Tasi-Tolu, Dili, Timor-leste.
Vizita no misa ne'e nudar sinal diak ba luta povu Maubere nian no mos konjugasaun Igreja katoliku ho rezistensia Timor nia luta ba ukun-an.
Iha misa nia klaran, juventude Timoroan sira iha Frenti Klandestina organiza diak tebes, no konsege halo protesta no revolta hanesan forma hodi hatudu sira nia rejeisaun ba prezensa no okupasaun brutal Indonesia mai Timor.
Hafoin revolta no konfrontasaun iha Tasi-Tolu, Indonesia nia militar no polisia sira kaer, detein, tortura no oho lakon jovem barak iha redi klandestina iha Timor laran hotu.
Revolta estudante no juventude Timor ne'e konsidera nudar intifada primeiru, katak, levantamentu ka hamriik revolta husi sivil no popular hasoru poder militar agresivu.
VIVA JUVENTUDE MAUBERE!
JUVENTUDE TENKI ANTI-FASISTA!
JUVENTUDE TENKI ANTI-KAPITALISTA!
Fonte: Museu AMRT
