Tamba neé, Iha Suku Bairro-Pite Segunda-Feira (19-10-2020), Líder Karismátiku Kay Rala Xanana Gusmão husu joven sira atu promove Paz no Estabilidade iha rai laran.
"Joven sira nebeé involve áan iha Orgaizasaun Arte Marsiais, laos atu hatudu forsa ba malu hodi kriaa konflitus, maibe involve iha arte marsiais nuúdar modalidade desportu ida hodi hadia Fíziku", hateten Xanana Gusmão.
Tuir Nia, atu garante estabilidade Nasional, Joven sira tenke fo liman ba malu.
Antes neé, Governu liu husi Konsellu Ministro aprova ona proposta rejolusaun Governu nebeé aprejenta husi Primeiro Ministro Taur Matan Ruak ba Revogasaun Rezolusaun Governu númeru 16/2013 loron 10 fulan Jullu, nebeé bandu Grupu Arte Marsiais (GAM) hodi halaó aktividade.
Diploma legal neé, instroi PNTL atu intensifika asaun kombate krime sira kona-ba prátika ílisitu husi Arte Marsiais no Rítual sira.
Iha loron 2 fulan Jullu tinan 2013, Desizaun Konsellu Ministru Ekstra-Ordináriu, hasai rezolusaun Governu númeru 16/2013 kona-ba estinsaun GAM no determina ba estinsaun ba Grupu Persaudaraan Setia Hati Terate (PSHT), Ikatan Keluarga Silat (IKS) Kera Sakti, no Kmanek Oan Rai Klaran (KORK), hodi bandu total aktividade Organizasaun nian.
Nuneé mos Parlamentu Nasional aprova iha loron 6 fulan Marsu tinan 2017, no Prezidente Repúblika promulga iha loron 12 fulan Abril tinan 2017, Lei númeru 5/2017 loron 19 fulan Abril kona-ba Rejime jurídiku prátika Arte Marsiais no arte Ritual sira, Armas Brankas, inklui Rama Ambon no kinta alterasaun ba kódigu Penal.
Relasiona ho movimentu illegal nebeé kontinua akontese iha lina Fronteira terrestre, iha periodu Estado Emerjensia ba Covid-19, Kay Rala Xanana Gusmão husu sidadaun hotu atu kumpri regras nebeé Estado aplika, nuneé evita transmisaun lokal.
