LIAN TIMOR (Tutuala) - Loron finadu ka Loron mtebian (02 de Novembru 2020), nebeé Timor-oan sira selebra, hanesan loron Nasional nian. Iha kada semeteriu sira iha fatin hotu-hotu, komunidade sira ba tau aifunan ba matebian sira nebeé husik ona iha Mundu realidade ba Mundu seluk.

Situasaun neé, la diferente ho Rai ulun Timor nian, Mua-Chau Tutuala Munisipiu Laútem.

Iha knua Aldeia Hihoro Postu Tutuala Munisipiu Laútem, komunidade sira halo preparasaun hodi selebra loron Matebian nian, han hamutuk liu husi espíritu.

Hahuú husi Labarik sira toó ferik katuas, husik uma iha loron 02 fulan Novembru, hodi hakbesik áan ba semetériu sira. Ema hotu dada lona ba família matebian ida-idak nian, hodi selebra loron importante nian.

Ida neé nuúdar Kultura nebeé bei-ala sira husik husi jerasaun ba jerasaun toó ohin loron neé. Serimónia hamutuk ho matebian sira, sempre halaó nafatin.

Joven sira husi fatin neé, buka malu, halibur hamutuk, konta istória, haklalak, hakilar hamutuk, ho Paz, domin hodi komemora loron Importante ida.

Istória simples, maibe ho válor boót hamutuk ho família sira, iha loron Nasional Matebian nian.