LIAN TIMOR (DILI) - Relasiona ho asidente nebeé iha Area Ililapa (Lore II) iha Domingo tuku walu kalan (11-10-2020), nebeé rejulta Estudante naín rua husi Ensinu Báziku Coro-Asu Maloru, no ferik ida, inklui naín 4 kanek todan.Kauza husi Asidente neé tamba kondisaun estrada nebeé la diak. Kondisaun estrada kloót, no kuak barak, nebeé afeta hodi hamosu asidente.
Reprejentante komunidade Lore iha Dili Saturlino Esteves hateten, asidente sira nebeé akontese tamba kauza husi estrada diresaun Lospalos Villa toó Suku Lore, ho kilometru 32.
Iha tinan 2016, Baskulante ida mos baku fila iha area Ililapa (Suku Lore II) nebeé rejulta naín 3 mate fatin hanesan estudante no feto ida.
Porta-Voz Movimentu Estudante no Juventude Lore Iju Guimaraens ba LIAN TIMOR iha Edifísiu Lao Hamutuk sente triste ho asidente sira nebeé akontese, tamba kauza husi kondisaun estrada públiku.
Nia konfirma, Movimentu neé hatama ona proposta ba Governu, atu prioritiza Estrada Lore nian liu husi Orsamentu Geral Estado tinaa 2021.
Estudante no Juventude Lore sei tenta nafatin Governu no Parlamentu Nasional atu tau atensaun ba problema Infra-Estrutura bázika Lore, nuneé bele hadia nuneé labele haterus Lore oan sira sai vítíma wainhira halaó movimentu.
