LIAN TIMOR (LORE II) - Iha tuku 8 kalan oras Timor Lese, domingo. (11-10-2020), iha Suku Lore II, baskulante ida tula passajeiru Lore oan sira, husi Diresaun Lospalos Villa ba Lore I, baku-fila, no rejulta ema nain 3 mate fatin.
Asidente neé akontese, hafoin Baskulante neé fila husi passeu ida iha Tasi-ibun Valu-sere Tutuala.
Passajeiru naín 3 mate fatin, no passajeiru sira seluk kanek todan, no lori ona ba Óspital Lospalos hodi hetan tratamentu intensivu.
Hafoin akontesimentu, komunidade iha Suku Lore II ba halo identifikasaun, hodi buka passajeiru sira.
Tuir imajen nebeé hatudu hafoin komunidade sira identifika, vítima sira nebeé lakon vída, ho tinan kiík, mane naín rua no feto ida.
Toó informasaun neé fo sai, LIAN TIMOR seidauk hetan konfirmasaun husi Autoridade Komunitáriu no Polisia, hodi hatene nia kronolojia.
Kauza husi asidente neé tamba kondisaun estrada, iha nebeé asidente neé akontese ba dala rua ona. Asidente dahuluk mks Baskulante ida, baku-fila iha Area Lore II nafatin, no rejulta ema mate tamba kareta hanehan.
Tamba neé, husu ba Governu atu tau atensaun sériu ba assuntus neé, nuneé komunidade sira labele sai vítima bebeik ba Dezenvolvimentu ida neé.
