Kalan Reflesaun
LIAN TIMOR (DILI) - Iha oras kalan (12 de Novembru 2020), sidadaun Timor-oan tomak hatudu sentidu Nasionalismu, liu husi Sunu lilin iha rejidensia ida-idak, nuúdar hodi fo roman ba Joven sira nebeé mate tamba funu iha Masakre Santa Cruz, tinan 29 liu ba.
Reflesaun neé, atu hanoin hikas akontesimentu nebeé akontese, iha nebeé Joven barak lakon vída, terus no susar, haris ho raán, iha situasaun nebeé difisil.
Loron 12 Novembr 1991, iha Trajedia boót, loke mundu nia atensaun, hodi tau matan ba sofrimentu nebeé Povo Maubere Timor Leste infrenta durante okupasaun Indonezia, liu-liu tortura, kastigu no asaun seluk taán nebeé kontra Direitus Humanus.
Maske kleur ona, maibe isin sei fitar husi jerasaun ba jerasaun, tamba neé toó ohin loron, jerasaun foun kontinua rekonhese, no váloriza partisipasaun Joven sira iha prosesu Luta ba Ukun Rasik Áan, tamba neé mak kalan neé (12 de Novembru 2020), halakan Lilin nuúdar jestu espíritual, nuneé Matebian sira bele moris hakmatek iha Nai Nia Kadunan Santu.
Mai hamutuk, váloriza Joven sira, mate restu, no Joven Kontinuador, nuneé bele hamutuk Dezenvolve Timor Leste hanesan Nasaun seluk, nuneé bele kore ona Povo husi terus no susar nia laran.
Hakmatek Iha Reinu Lalehan, Saudozu sira, liu-liu Joven Timor-oan sira nebeé lakon iha Masakre 12 Novembru.
